"Cantarte hei, Galicia", un poema de "Cantares gallegos", de Rosalía de Castro

"Cantarte hei, Galicia" es uno de los poemas inaugurales del poemario de Rosalía Cantares gallegos. La poetisa gallega canta a su tierra en su propia lengua. Ella se presenta como la "meniña gaiteira" que canta a su pueblo. Puedes apreciar aquí una versión rap del poema, de Aid, de su disco Rapoemas (2012). ¡Que lo disfrutes!

Cantarte hei, Galicia,
teus dulces cantares,
que así mo pediron
na veira do mare. 
   Cantarte hei, Galicia,
na lengua gallega,
consolo dos males,
alivio das penas.
   Mimosa, soave,
sentida, queixosa;
encanta si ríe,
conmove si chora.
   Cal ela, ningunha
tan doce que cante
soidades amargas,
sospiros amantes,
   misterios da tarde,
murmuxos da noite:
Cantarte hei, Galicia,
na beira das fontes.
   Que así mo pediron,
que así mo mandaron,
que cante e que cante
na lengua que eu falo.
   Que así mo mandaron,
que así mo dixeron...
Xa canto, meniñas.
Coidá que comenzo.
   Con dulce alegría,
con brando compás,
ó pé das ondiñas
que veñen e van.
   Dios santo premita
que aquestes cantares
de alivio vos sirvan
nos vosos pesares;
   de amabre consolo,
de soave contento,
cal fartan de dichas
compridos deseios. 
   Cantarte hei, Galicia,
teus dulces cantares,
que así mo pediron
na veira do mare. 
   Cantarte hei, Galicia,
na lengua gallega,
consolo dos males,
alivio das penas.
   De noite, de día,
na aurora, na sera,
oirésme cantando
por montes e veigas.
   Quen queira me chame,
quen queira me obriga:
Cantar, cantareille
de noite e de día,
   por darlle contento,
por darlle consolo,
trocando en sonrisas
queixiñas e choros.
   Buscaime, rapazas,
velliñas, mociños,
buscaime antre os robres,
buscaime antre os millos,
   nas portas dos ricos,
nas portas dos probes,
que aquestes cantares
a todos responden.
   A todos, que á Virxen
axuda pedín,
porque vos console
no voso sufrir;
   nos vosos tormentos,
nos vosos pesares.
Coidá que comenso...
Meniñas, ¡Dios diante! 
   Cantarte hei, Galicia,
teus dulces cantares,
que así mo pediron
na veira do mare. 
   Cantarte hei, Galicia,
na lengua gallega,
consolo dos males,
alivio das penas.
   (De Cantares gallegos)